(احيانا لا يرغب الناس في سماع الحقيقة لانهم لا يريدون ان تتحطم اوهامهم) دي مقولة شهيرة للفيلسوف الالماني فريدريك نيتشه بتوصف الواقع بشكل كبير لان الناس عادة بيميلوا لتصديق الغرائب والامور المثيرة حتى لو ما كانش في عليها اي دليل وعلشان كده في عدد كبير من المعلومات الشائعة بيبقى معظمنا على قناعة تامة من صحتها ومستحيل يخطر في بالنا اصلا ان معلومة منهم تكون غير صحيحة.

لكن الحقيقة بقى المعلومات دي ما هي الا مجرد كزبة ما فيش اي دليل على صحتها، كل الموضوع انها معلومات مثيرة مش اكتر وعلشان كده ما ينفعش نصدق كل اللي بنشوفه نردد كل اللي بنسمعه.

مخترع المصباح الكهربائي

من المسلمات اللي بيتم تعليمها في المدارس واللي لو سألت اي حد عليها هيجاوبك بنفس الاجابة هو سؤال مين اللي اخترع اللمبة او المصباح الكهربائي، وقتها الاجابة هتكون بكل ثقة توماس اديسون.

المعلومة دي بالفعل موجودة في بعض المناهج التعليمية لكن يؤسفني اني اقول لكم انه بالرغم من كون توماس اديسون واحد من اهم 200 مخترع في التاريخ وانه قدم حوالي الف فكرة واختراع واخد فيهم براءات كمان الا انه مش المخترع الحقيقي للمصباح، المصباح الكهربائي ما كانش من ضمن ابتكاراته اطلاقا.

تاريخ المصباح بيرجع لعام 1800 ميلادية لما بدأ عالم الفيزياء والكيمياء الايطالي اليساندرو فولتا في اول تجاربه على مراحل تقنية المصباح الكهربائي وفي الوقت ده توماس اديسون ما كانش حتى لسة اتولد.

ومن بعد فولتا وعلى مدار خمسين سنة طور علماء كتير من شكل المصباح منهم العالم البريطاني وارن دى لا رو واللي في عام 1840 وقبل ولادة توماس ادسون بسبع سنوات.

وضع ملف بلاتيني في انبوب مفرغ ومرر خلاله كهربائي وكانت النتيجة انشاء اولى المصابيح الكهربائية في العالم.

وجه بعدها الكيميائي الإنجليزي جوزيف سوان وابتكر مصباح اكثر كفاءة وحسن من شكله النهائي لحد ما جه اديسون وحتى لمساته الاخيرة على المصباح في ستينيات القرن 19 لكن لسبب ما اسم اديسون هو اللي اتحط على المصباح واتنسى تماما دور كل العلماء اللي قبله بما فيهم المخترع الحقيقي للمصباح.

أنف أبو الهول

كل اللي زار منطقة الاهرامات وسمع عنها يعرف مين ابو الهول ويعرف كمان ان ابو الهول انفو مكسور ومن اشهر القصص اللي تخص ابو الهول هي قصة ان اللي كسر انفه نابليون بونابرت وقت الحملة الفرنسية على مصر.

لكن اللي كتير ما يعرفوش ان انفى ابو الهول اتكسرت قبل ما الحملة الفرنسية تيجي مصر من الاساس.

الانف مكسورة تقريبا من سنة 1500 ميلادية وهو ده اللي مثبت في المراجع التاريخية.

وبيشير عدد كبير من المصادر ان كسر انف ابو الهول كان بسبب عوامل التعرية او بسبب كسرها من قبل اللي كانوا مقيمين بجانب منطقة الاهرامات وفي الحالتين نابليون ما لوش علاقة بالموضوع ولا من قريب ولا من بعيد.

سور الصين العظيم

سور الصين العظيم واحد من اكبر المنشآت المعمارية القديمة وتم ادراجه ضمن قائمة عجائب الدنيا السبع الجديدة نظرا لضخامته واتساعه.

طول سور الصين العظيم بالمترات بيبلغ 21 مليون متر 19618 الف متر وارتفاع الاسوار بيوصل احيانا 1400 متر فوق سطح البحر في حين ان الارتفاع الصافي للجدار بيتراوح ما بين 6 امتار الي 14 متر.

وعلشان كده في اعتقاد قوي عند كتير من الناس انه ممكن رؤية سور الصين العظيم من الفضاء.

وان لو شخص وقف على القمر مثلا هيشوف السور واضح جدا من هناك لكن الكلام ده في الواقع ما هو الا مجرد كذبة.

ووكالات الفضاء اكدوا انه من المستحيل رؤية الصور الا من طبقات الجو القريبة جدا من الارض وده كمان في زروف جوية معينة علشان نقدر نشوفه.

وتضاريس كوكب الارض سواء المرتفعات او المنخفضات بتبان معدومة تماما من الفضاء.

وحش بحيرة لوخ نس

في مرتفعات اسكتلندا وتحديدا في بحيرة لوخ نس اتولدت اسطورة من اشهر اساطير المخلوقات العملاقة على مر التاريخ، مخلوق عملاق اسمه نسي او وحش البحيرة.

اول مرة ظهر فيها الوحش وبدأت الناس تتكلم عنه كان في القرن السادس وفي تلاتينيات القرن 19 زادت الشائعات والروايات اكتر بسبب وجود اشخاص مختلفين حكوا روايتهم هم كمان انهم شافوا وحش البحيرة.

وفي ظل ما العالم كله كان متشوق انه يعرف بس وصف المخلوق الغريب ده جت سنة 1934 ونشر الجراح الانجليزي روبرت ويلسون صورة لوحش البحيرة لاول مرة وادعى انه شافه وقدر يصوره كمان.

واشتهرت الصورة باسم صورة الجراح واتصنفت كواحدة من اشهر الصور في التاريخ وفضلت الصورة دي هي الدليل الوحيد على وجود وحش البحيرة لحد سنة 1994 لان هي دي السنة اللي تم اثبات فيها ان الصورة مجرد خدعة وان الصورة في الغالب هي عبارة عن فيل بيستحمى المية مغطية معزم اجزاء جسمه.

نظرية التطور للجنس البشري

بعد ما تشارلز داروين نشر دراسته عن اصل الانواع في عام 1859 بدأ معظم علماء الاثار في الوقت ده يدوروا على اي دليل يثبت صحة النظرية وخلاص.

وكان الهدف منها انهم يكسبوا شهرة من ورا الموضوع زي دلوقتي كده لما يحصل اي تريند وتلاقي اليوتيوب كله بيتكلم عنه.

وفي 5 فبراير عام 1910 استلم عالم الحفريات الانجليزي ارثر سميث واللي كان وقتها مدير متحف التاريخ الطبيعي رسالة من تشارلز دوسن بيقول فيها انو عثر على جمجمة الانسان الاول وبيرجع تاريخها لملايين السنين والتصريح ده وقتها قلب الدنيا وعلماء الحفريات وقتها بدأوا يشككون في شكل الجمجمة وعمرها وكلام من ده وفي عام 1953 انكشفت الحقيقة عن اكبر خدعة في تاريخ العلم وتم اكتشاف ان الجمجمة تم التلاعب فيها عن عمد وانها غير حقيقية بالمرة.

واكتشفوا ان الحفرية اللي تم تسميتها باسم انسان بيلد داون فكها السفلي فك لقرض الغاب تم تركيبه مكان الفك الاصلي لجمجمة انسان.

واعلن المتحف اعتذاره وقتها وصرح بصورة رسمية ان الجمجمة مجرد خدعة والكدبة دي تعتبر الاشهر في مجال الحفريات والاثار ومجال العلوم بوجه عام.

أسلحة دمار شامل في العراق

في عام 2003 ادعى الرئيس الامريكي السابق جورج بوش الابن ان فيه اسلحة دمار شامل مملوكة لنظام الرئيس العراقي الراحل صدام حسين وبسبب الحجة دي شنت الولايات المتحدة الامريكية حربها على العراق وهجمت امريكا في مشهد مأساوي ومؤلم.

والوضع ما كنش متوقف على ضرب الولايات المتحدة الامريكية لاراضي العراق وبس لكن الحروب كمان بدأت بين الطوائف المختلفة داخل العراق الشقيق وكانت نتيجة الكذبة دي ان اكتر من 30 الف عراقي اتقتلوا واتصاب اكتر من 200 الف انسان خلال العمليات المباشرة.

ومن يوم الغزو لحد اللحظة دي الوضع في العراق غير مستقر بالمرة وده كله بسبب كدبة لعينة.

تأريخ بالكربون المشع

في عام 1949 ميلادية طور الفيزيائي والكيميائي طريقة يتحسب بها عمر المخلوقات الميتة والطريقة دي بتتلخص في حساب كمية الكربون المشع الموجود في اي جسم.

لان اجسام المخلوقات الحية في العادة بتمتص الكربون ونظائره بشكل او باخر وقدر فعلا في عام 1960 انه ياخد جائزة نوبل عن اكتشافه لطريقة تأريخ بالكربون المشع.

وكانت طريقة تأريخ بالكربون المشع واحدة من افضل اكتشافات القرن العشرين وقدرت تعمل ثورة في علم الجيولوجيا وبدأ معزم علماء والجيولوجيين يستخدموها بشكل واسع وبقى مينفعش يتم اكتشاف اي مكان اثري جديد الا لما يلجأوا الاول للتأريخ الكربوني علشان يحددوا عمر الأثر وعمر المخلوقات اللي موجودة فيه لكن بعد فترة عرض بعض العلماء رأيهم بان طريقة التاريخ الكربوني عرضة للخطأ وانها مش صحيحة بنسبة كبيرة وقالوا ان طبيعة المكان اللي فيه الاثر بالاضافة للتلوث الخارجي ليهم دور في التأثير على التحلل الطبيعي لكل المخلوقات.

ولو كان عندنا نبتة تنمو في امريكا او بتنمو في جرين لاند في نفس الوقت التاريخ الكربوني هيطلع اختلاف كبير بين عمر النباتين بسبب اختلاف العوامل الجوية بين جرين لاند وامريكا.

وفي اخر بحث نشرتة جامعة كورنل اكدوا فيه وجود عدد كبير من الاخطاء في معايير التأريخ الكربوني المقبولة عند معظم العلماء والجيولوجيين.

وده خلى معظم الجداول الزمنية الثابتة اللي تم رصدها قبل كده تدخل في دائرة الشك واحتمال كبير انها تحتاج لاعادة كتابة وتأريخ من اول وجديد.

اقرأ أيضا : 10 سيوف تاريخية موجودة حتى الآن.